A Asociación Empresarial de Mercadorías por Estrada de Galicia, APETAMCOR, pídelle ao Goberno unha bonificación do gasóleo de 20 céntimos por litro, ante o encarecemento reiterado dos carburantes, en lugar dos 5 céntimos actuais.
O custo por camión é «de 1.500 euros máis ao mes», polo encarecemento dos prezos do combustible.
Otero considera que se debería manter esa bonificación e mantela durante un período de tempo determinado para dar estabilidade ao sector e á clientela.
Segundo a secretaria xeral de APETAMCOR, os carburantes representa «o 40 % do total de custes que ten un camión».
Ante o encarecemento dos carburantes, Otero prevé un incremento dos prezos dos portes de entre un 6 % e un 8 % e explica que será unha suba que abordarán coa revisión trimestral.
«O gasóleo experimentou unha suba dun 20 por cento desde o mes de xuño ata hoxe. Isto implica que coa normativa de revisión, os prezos do transporte van ter que subir entre un 6 e un 8 por cento», apunta.
En engadido do encarecemento dos combustibles, precisan de zonas de aparcadoiro vixiadas porque son obxecto de continuos roubos tanto da mercadoría coma dos carburantes. Explicou que a falta de seguridade contribúe a que falten condutores.
