Rusia estuda producir ao mes dez millóns de doses da súa vacina Sputnik V contra a COVID-19 no Porriño. Negocia facelo na fábrica de Biofabri, do grupo Zendal.
Que o faga depende para comezar da decisión da Axencia Europea do Medicamento, que autorice o seu uso en Europa. Se finalmente concede a licenza á vacina rusa, Galicia podería ser o punto de España da súa fabricación a partir das negociacións emprendidas co grupo investidor IberAtlantic, o socio español do Goberno ruso.
A UE esixe que a produción da vacina sexa en condicións GMP, o selo europeo que garante a calidade, e Biofabri teno.
