A CIG-Industria destaca que lograron manter o poder adquisitivo dos salarios grazas aos incrementos acordados do 3% por cada ano de vixencia do convenio. Ademais, introdúcese unha cláusula de revisión que permitirá axustar os salarios ata dous puntos por encima do aumento acordado.
Finalmente, acordouse que no caso de que os incrementos pactados queden por baixo do IPC anual, a actualización será de ata o 2%, superando así o límite do 1% establecido no acordo estatal de negociación colectiva.
En canto á xornada laboral, logrouse unha redución de 16 horas, distribuídas en oito horas en 2024 e outras oito en 2025, o que fará que a xornada anual dese ano sexa de 1760 horas. Ademais, as vacacións incrementaranse nun día laborable, sumando un total de 23 días.
