“Tití” foi candidato á alcaldía de Salvaterra ademais de concelleiro e voceiro da formación
nacionalista entre os anos 2014 e 2021.
Formou parte da executiva Comarcal da Automoción en Vigo pola CIG así como do Consello Nacional da Federación de Industria. Tamén destacou polo seu compromiso cos emigrantes retornados a través da Asociación de Xubilados Emigrantes do Condado e foi membro da Xunta Directiva da Comunidade de Montes de Salvaterra de Miño.
O BNG de Salvaterra transmite a súa dor, pesar e condolencia á familia e persoas máis achegadas por tan triste perda.
