A Garda Civil detén ao presunto autor dun incendio o pasado 26 de decembro de 2022 na caseta de portos da Xunta de Galicia en A Illa de Arousa (Muelle de O Xufre).
A investigación iniciouse a raíz dunha denuncia interposta en Vilagarcía de Arousa polo Guardamuelles da Illa de Arousa e o Xefe de Guardamuelles da Zona sur de Portos de Galicia.
No incendio interviñeron unha dotación de Bombeiros de Vilagarcía que, na súa valoración inicial, consideraron que foi provocado.
Tralo visionado de cámaras da zona, obsérvase a unha persoa que rompe a ventá e verte un recipiente grande de líquido dentro da caseta, iniciándose unha deflagración a continuación que fai que esta persoa salte polos aires uns metros, abandonando o lugar posteriormente, con posibles queimaduras de diversa consideración.
Ao parecer esta persoa fora notificada por unha sanción administrativa o día anterior aos feitos, e a continuación persoouse na Base dos Guardamuelles e a voces ameazou aos axentes recriminándolles a sanción.
A partir dese momento acódese tanto ao domicilio do identificado, como ao lugar de traballo, sendo imposible a súa localización a pesar de levar a cabo dispositivos de vixilancia, ata o pasado 19 de maio, que se procede a súa detención.
Se lle instrúen dilixencias pola súa presunta autoría nun delito de estragos na caseta que deixou totalmente inservible para o servizo, e posteriormente púxose en liberdade en sede policial, pendente de ser chamado polo Xulgado
