Coimbra despide aos Coldplay despois de acoller a máis de 50.000 persoas durante cinco noites no Estadio Cidade de Coimbra. Un espectáculo de cor con pulseiras luminosas, pelotas, pirotecnia, xogos de luces e «aliens» que deixaron asombrados ao público interxeracional que encheu o céspede e as gradas.
O público cantou todas as cancións dos Coldplay, desde o Yellow que os lanzou ao éxito mundial no 2000, ata o aclamado Fix You que se fixo agardar ata o final. Un tour de presentación do seu último disco Music Of The Spheres (2021).
Choros, apertas e sobre todo moitas mans e móbiles en alto para vivir con intensidade un espectáculo coidado á perfección.
Como caracteriza a banda británica, o seu show estivo cargado de mensaxes de concienciación medioambiental e social, xestos e frases de amor e de paz mundial.
O cantautor Chris Martin, o guitarrista Jonny Buckland, o baxista Guy Berryman, e o batería Will Champion poñen rumbo agora a Barcelona, onde a partir do 24 de maio darán cinco concertos no Estadio Olímpico Barcelonés.
