O Concello establece un prazo de tres meses para baleirar aqueles de propiedade municipal ocupados dende hai máis de seis anos.
O Concello do Porriño comezará a distribuír a partir deste xoves, día 4, un bando da Alcaldía que require a toda a veciñanza que teñan familiares nos nichos de propiedade municipal e teñan transcorridos máis de seis anos dende a súa inhumación, procedan ao retiro dos restos correspondentes e á súa limpeza para poñelos a disposición da administración local.
O prazo para proceder abrangue do 5 de febreiro ao 5 de maio deste ano.
