A Garda Civil detivo a un home que estaba fuxido desde o domingo tras atropelar gravemente no Barco de Valdeorras a 2 irmáns por un presunto axuste de contas.
Veciño do Barco de 36 anos, estaba en paradoiro descoñecido tras atropelar de maneira intencionada a dous irmáns.
Sucedeu ao redor das oito da mañá nun céntrico aparcamento situado no Barco de Valdeorras, localidade na que residen os tres implicados no suceso.
O condutor dunha furgoneta embistió aos dous irmáns. A un pasoulle co vehículo por encima do peito e está en estado moi grave.
Ao outro lle causou importantes feridas nas pernas; tenas rotas e barállase que poida perder un pé.
Nun primeiro momento ambos foron trasladados en ambulancia ao Hospital Comarcal de Valdeorras, situado a apenas cen metros do lugar do suceso, aínda que despois foron derivados ao CHUO.
Cando chegou a Policía Local atopou restos da furgoneta, como un anaco da matrícula, o que permitiu identificar o vehículo e o condutor.
A Policía Local localizou o vehículo aparcado noutra zona do centro urbano. A Garda Civil fíxose cargo da investigación e esta mañá conseguiron finalmente detelo.
As primeiras investigacións apuntan a un posible axuste de contas. Os tres implicados son vellos coñecidos das forzas da orde pola súa suposta vinculación co trapicheo de drogas.
