Dous tripulantes dun pesqueiro morreron e un terceiro está desaparecido nun naufraxio ocorrido de madrugada fronte á costa de Santander.
Aconteceu en cabo Maior. Foron rescatados sete tripulantes do buque Vilaboa Uno, con base en Santander.
Un dos dous tripulantes falecidos é de Santander e o outro de Ghana, mentres que o desaparecido é de orixe peruana, segundo informou nun comunicado a Delegación do Goberno en Cantabria.
En engadido, un dos tripulantes do buque está ferido grave.
Un dos tripulantes foi rescatado ás 5.04 pola lancha de Prácticos do porto de Santander. O pesqueiro Sempre Nécora recuperou un dos cadáveres e subiu a bordo aos outros seis rescatados tres minutos máis tarde.
O corpo do outro falecido atopouno ás 5.29 horas a pesqueiro Ave Fénix.
No lugar do afundimento, que se produciu por causas que aínda se descoñecen sobre as 4:10 horas a seis millas ao norte de cabo Maior, séguese buscando ao tripulante desparecido por mar e aire.
No operativo, que coordina Salvamento Marítimo, traballan a Salvamar Dean desde o mar, e o Helimer deste organismo, o helicóptero do Goberno de Cantabria e a Garda Civil, desde o aire.
A ministra de Transportes, Raquel Sánchez, en declaracións á prensa en Barcelona, asegurou que o Goberno usará «todos os medios» para localizar ao mariñeiro.
