O sacerdote salesiano tiña que ingresar a máis tardar este luns na prisión, pero venceu o prazo e non se presentou, polo que a Audiencia emitiu esa orde de busca e captura contra el.
Segundo Cousido Vieites foi condenado a 35 anos e medio de prisión por abusar no ano 2019 de 6 menores que asistían a un campamento nas instalacións que a congregación ten en Castrelo.
Unha condena que, tras numerosos recursos do acusado, no mes de outubro ratificou o Tribunal Superior de Xustiza de Galicia.
Os feitos rexistráronse nun campamento organizado pola congregación na súa sede de Cambados e nunha peregrinación a Santiago, así como, respecto a un dos menores, mentres vían a final da Champions nunha asociación xuvenil da que o colexio estaba a cargo, segundo recolle na sentenza da Audiencia Provincial.
Na resolución xudicial da Audiencia de 2021 indicábase que o sacerdote “aproveitou a situación de superioridade derivada da súa profesión”, da confianza que os menores, para realizarlles tocamentos.
