Unha muller de 47 anos atópase moi grave no hospital Montecelo, en Pontevedra, tras ser atacada cunha arma branca por un descoñecido enaxenado en plena rúa.
O home está detido por acoitelar en plena rúa a unha muller en Marín. A vítima está hospitalizada grave no Hospital de Montecelo, en Pontevedra.
Nin agresor nin vítima coñecíanse entre si, confirmaron distintas fontes.
A muller, de 47 anos e iniciais F. M.P.C., foi trasladada nunha ambulancia medicalizada do 061 ao hospital.
Desde o 061 confirman que a agresión se produciu na vía pública e que a vítima sangraba abundantemente. Atópase na UCI, estable pero grave.
Os feitos tiveron lugar esta mañá na rúa Jaime Janer cando o sospeitoso, nas inmediacións do Colexio do Sequelo, abalanzouse sobre a muller, de 47 anos, e propinoulle varias puñaladas.
De inmediato desprazáronse a este punto do centro urbano de Marín dúas patrullas da Policía Local, cuxos axentes arrestaron ao atacante.
