A Garda Civil continúa as pescudas para dilucidar a procedencia do cargamento de 870 quilos cocaína incautado o sábado na Coruña, no casco dun cargueiro procedente de Brasil.
O capitán do barco e todos os membros da tripulación foron interrogados polos axentes do Equipo de Delincuencia Organizada e Antidrogas (EDOA) encargados da investigación.
Mentres tanto, na tarde deste domingo, o navío, chamado Shandong Fu Yi, abandonou o peirao do Centenario e foise da cidade.
