A Xunta de Galicia cubrirá o 100 % do gasto que supoña a reparación das vivendas afectadas polos incendios ata un máximo de 122.000 euros e sempre que sexa a residencia habitual.
Alfonso Rueda:
O Consello da Xunta aprobou un decreto este xoves que habilita o crédito que as diferentes Consellerías precisan para convocar as axudas. Estas convocatorias abriranse previsiblemente a próxima semana.
As axudas anunciadas son as destinadas aos danos nas vivendas. No caso das primeiras residencias, cubrirase o 100 % da reparación ou reposición das vivendas, ata un máximo de 122.000 euros.
Se se trata dunha segunda vivenda, o máximo será de 61.200 euros.
O presidente galego, Alfonso Rueda, aclarou que estas axudas serán compatibles cos seguros de fogar e as axudas doutras administracións.
Habilitaranse tamén axudas para os danos de enxoval, de entre 15.000 e 7.000 euros, e para establecementos comerciais, ata 60.000 euros.
Rueda cifrou nunhas 1.200 as persoas desaloxadas das súas vivendas polos incendios, moitas delas xa regresaron, e unhas 75 edificacións afectadas.
As axudas da Xunta serán máis amplas e tamén se habilitará crédito para reparar establecementos comerciais ou afrontar os gastos de explotacións agrícolas e instalacións municipais afectadas, como poden ser as traídas de auga.
