Participaron 16 persoas maiores de 55 anos.
O centro sociocomunitario do Porriño acolleu este xoves a última das sesión do obradoiro de prevención do deterioro cognitivo “Cultiva a mente”, organizado polo Concello do Porriño en colaboración con AFAGA.
O alcalde, Alejandro Lorenzo, e as concelleiras Rosario Costas e Carolina González, acompañaron aos 16 participantes, todos eles maiores de 55 anos, neste último día e fixéronlles entrega dos diplomas acreditativos.
“O motor desta actividade son as relación sociais, para manter activa a memoria, aumentar a autonomía persoal, aliviar o estrés…en definitiva, mellorar a calidade de vida dos maiores e contribuír ao benestar daqueles que dedicaron a súa vida a asegurar a nosa”, explicou o alcalde.
Nos obradoiros, impartidos por unha psicóloga con formación específica no desenvolvemento e execución do deterioro cognitivo, traballáronse cuestións como o envellecemento activo, a promoción das relación sociais, a prevención da soidade ou a dependencia, entre outras.
O rexedor destacou a boa acollida da actividade e anunciou que “terá continuidade e formaranse novos grupos”.
