Coa chegada do bo tempo, as comarcas do Condado, Paradanta, Louriña, Baixo Miño e Val Miñor énchense de plans e actividades, tanto ao aire libre como en interior.
A continuación, unha recompilación de plans e actividades que se poden realizar esta fin de semana nas comarcas do Sur de Pontevedra.
Venres 25 de abril
Arbo dá o pistoletazo de saída á LXV Festa da Lamprea este venres coa inauguración de Arbo Mostra ás 17:30h.
A continuación, unha fin de semana chea de música, gastronomía e cultura.
Tui continúa durante toda a fin de semana a programación das festas de San Telmo.
Verbena, xuntanza cabalar e gastronomía para por fin a esta edición do 2025.
O Concello do Porriño organiza a «Porriño Fashion Weekend«, unha fin de semana adicada á moda e ao comercio local.
A shopping night dará comezo a noite do venres, onde os locais permanecerán abertos de 21h a 00:00h.
Salvaterra de Miño acollerá a xornada da Memoría Histórica coa proxección do vídeo «A fosa de cabreira».
O acto dará comezo ás 19:00h no Salón de Plenos do Concello de Salvaterra de Miño.
O grupo David Guerrero SL fará vibrar o Auditorio Reveriano Soutullo de Ponteareas coa súa actuación de jazz.
A función dará comezo ás 20:30h e a entrada é de balde.
A parroquia de San Xurxo, en Salceda de Caselas, celebrará a III Festa Furancheira que dará comezo este venres.
Tamén na parroquia de San Xurxo darán comezo as festas na honra a San Xurxo Cabaleiro.
Salceda de Caselas acollerá na tarde do venres a IV Feiriña do Libro con actividades para todas as idades dende ás 17:00h ata 21:00h.
As actividades serán realizadas na Praza do Concello.
Mondariz Balenario celebra o Día da Liberdade cunha actuación musical e unha proxección na Sala da Cultura ás 19:00h.
Sábado 26 de abril
Covelo acolle o XVII Ciclo de Música Relixiosa cunha serie de concertos.
O evento dará comezo ás 20:00h.
O C.S O Matadoiro, de Salceda de Caselas acollerá a representación da obra «Facemos o que nos sae da impro» – Improconas do grupo «As Masturbadas».
A representación dará comezo ás 21:00h.
A Sala da Cultura de Mondariz Balneario acollerá a proxección do documetal «A Loita Final» que versa sobre a empresa de celulosa Altri.
O evento dará comezo ás 19:00h.
Tamén en Mondariz Balneario, terá lugar un mercado artesanal no que actuará a cantante Dani Costas.
O mercado realizarase en horario de 10:00h a 15:00h.
Tomiño acolle dous concertos esta fin de semana no Auditorio Municipal de Goián.
O sábado, actuará o grupo Querido e o domingo será a quenda de Uxía Lambona.
O Rosal desfrutara este sábado da III Feira do Libro de Segunda Man.
O evento comezará ás 11:30h e o peche será ás 20:30h.
No Centro Cultural de A Guarda terá lugar a representación da comedia de teatro «Onde Andará?» do grupo As Dez Patas do Banco.
A entrada é de balde e a función dará comezo ás 20:00h.
O grupo Sumrrá actuará no Auditorio Municipal de Nigrán ás 20:30h.
A entrada é de balde ata completar aforo.
A biblioteca de As Neves organiza un obradoiro infantil con motivo do Día do Libro impartido por Aida Alonso.
É preciso inscrición previa.
O grupo Exeria ofrecerá un concerto en acústico no Auditorio Reveriano Soutullo de Ponteareas.
O concerto dará comezo ás 19:30h.
Domingo 27 de abril
O Auditorio Municipal de Mondariz acollerá a representación da obra teatral «Mondariz evoca as memorias do Sobroso».
A función dará comezo ás 20:00h.
A obra «Te amaré hasta que te odie» será representada no Auditorio Municipal de Salceda de Caselas.
A entrada é de balde e está recomendara a maiores de 16 anos.
A parroquia de Ribadetea, en Ponteareas, acollerá a XIX Festa da Tortilla.
O evento dará comezo ás 10:00h.
En Nigrán, dará comezo a primeira xornada de #Vermúdebarrio.
Ás 12:30h na Praia de Patos co grupo Blue Monk.
Ponteareas acollerá a representación da obra teatral Hamelin.
A función dará comezo ás 19:00h no Auditorio Municipal Reveriano Soutullo.
