O paro baixou en 2.734 persoas en Galicia durante o mes de abril (-1,78%). Con este descenso, o número de persoas desempregadas en Galicia sitúase nas 150.602, é dicir, 20.176 parados menos que hai un ano (-11,81%).
Galicia situouse en abril entre as comunidades onde menos descendeu o paro, con Illas Baleares á cabeza, onde caeu un 15,31%, seguida de Andalucía (-4,07%). O mes pasado, todas as rexións españolas rexistraron baixadas do número de desempregados excepto Ceuta, onde subiu un 0,43%.
Por provincias, na Coruña o paro baixou en 1.427 persoas en abril, até 59.363 desempregados, mentres que en Lugo creáronse 409 postos de traballo, quedándose con 14.248 parados. En Pontevedra, o número de desocupados baixou en 947 persoas, até 59.633. Ourense foi a única provincia galega onde creceu o desemprego, con 49 parados máis, até 17.358 desocupados.
Do total de 150.602 parados en Galicia, máis dun 58% é muller. Ademais, entre outras cifras, o 4,2% son persoas de menos de 25 anos.
