A oferta presentada por Estaleiros Armón para facerse co control do estaleiro vigués Barreras é a que máis gusta ao administrador concursal segundo o informe que presentou no xulgado.
No seu informe enviado ao xulgado recomenda adxudicarlle o estaleiro vigués por enriba das ofertas presentadas pola asturiana Gondán e o grupo Marina Meridional.
«Entendemos que a oferta de Estaleiros Armón supera amplamente a de Estaleiros Gondán, non só porque a súa contía representa per se maior interese para o concurso (tanto no tema social como no negocial), senón polos demais aspectos relativos ás persoas dos ofertantes e ás súas respectivas ofertas», di o administrador no seu informe.
