O alcalde de O Porriño, Alejandro Lorenzo, «protagonizó unha sentenza histórica creando xurisprudencia na defensa do interese público frente aos abusos na contratación». Así o explican desde o Concello deste municipio da Louriña a través dun comunicado no que apuntan que «a empresa Nexia reclamaba no ano 2018 o pago de facturas por un importe total de 352.000 euros, xa conformadas e en proceso de pago polo anterior goberno». Sen embargo, «sendo o actual alcalde concelleiro, decidiu persoarse como coodemandante e levar o caso ata o final» e «agora a xustiza deulle a razón ao actual alcalde».
Neste contexto, a administración local explica que «ningunha das facturas era lexítima, xa que non existía contrato algún que amparase eses pagos, ademáis de que os pagos non estaban debidamente xustificados en base ao mercado, nin xustificada a súa veracidade» e indica que «a pesar de que tanto a empresa como o goberno local do momento argumentaron que un concelleiro non tiña dereito a persoarse na causa, Alejandro Lorenzo decidiuse a defender a súa lexitimidade e a do seu grupo para actuar e defender a improcedencia de ditos pagos en diferentes procesos de reclamación que existían neste Concello, con unha inactividade por parte do Concello».
Agora, a Xustiza, otorgoulle » a razón por partida dobre. Non só recoñeceu o seu dereito a persoarse como coodemandante, senon que tamén determinou, despois de examinar as probas existentes, que non procedía o pago das facturas nomeadas. Non existía contrato, sin se acreditaba a veracidade dos traballos realizados, ademáis de que os prezos non eran acordes ao mercado»
Esta sentenza non só evitou o pago indebido de 352.000€, senón que foi clave para a devolución de case 2,5 millóns de euros en facturas que o anterior goberno pretendía pagar sen garantías. «Unha vitoria para a legalidade, a transparencia e a boa xestión dos recursos públicos, que marca un precedente fundamental para evitar prácticas irregulares no futuro», explican desde o Concello.
