O alumnado do 2º curco do CFGS en Integración Social do Colegio Lar vén de participar durante o mes de febreiro no proxecto CONECTAD@S; un proxecto innovador que busca axudar ás persoas maiores de 65 anos a empregar as novas tecnoloxías para combatir a soidade.
Así, alumnos e alumnas trasladáronse cada martes do mes de febreiro ao centro de día ‘Adiante Mos‘ para ensinar aos usuarios e usuarias a utilizar as novas tecnoloxías co fin de comunicarse con outras persoas, combatir a soidade e previr a aparición de conductas suicidas.
Alí, os e as estudantes ensinaron ás persoas maiores a empregar ferramentas dixitais como o correo electrónico, o Whatsapp ou a realización de videochamadas a través dos seus teléfonos móbiles.
O proxecto, á súa vez, estaba conectado tamén co Centro de Día da Asociación Cidadá da Loita contra a Droga Alborada, en Viog, onde cada martes, un grupo de participantes voluntarios recibían as mensaxes dos usuarios e usuarias do Centro de Día mosense, respondendo cada unha das súas anécdotas e preguntas.
«A participación neste tipo de iniciativas axuda a revalorizar o papel activo na sociedade que temos cada un dos individuos que formamos parte dela» aseguraba o director do centro, Rodrigo Salgado.
