A Garda Civil xunto á Policía Nacional e Vixianza Aduaneira levaron a cabo unha operación antidroga no Porto de Marín no que foron incautados 120 quilos de cocaína.
O rexistro levouse a cabo nun buque ruso que navegaba con bandeira panameña, o «Crown Garnet», que se atopaba facendo a ruta entre Brasil e Dover con escala en Rotterdam.
As autoridades policias retiveron o buque no Porto de Marín ao ter coñecemento de que este podería conter droga no casco. Así, a Garda Civil desprazou a un grupo de unidades subacúaticas (GEAS) e a inspección realizada resultou positiva incautando 120 quilos de cocaína, segundo informa o subdelegado do goberno en Pontevedra, Abel Losada.
