A Xunta de Galicia convoca o 8º Campionato Galego de Formación Profesional GaliciaSkills, 2025. Esta é unha competición autonómica que premia aos mellores alumnos de FP nun total de 42 especialidades para representar a Galicia na fase nacional. O prazo de inscrición estará aberto ata o 14 de marzo, período no que os centros educativos son os encargados de formalizar a solicitude de participación dos estudantes interesados e interesadas en concorrer. Ademais, o campionato terá lugar no mes de outubro no recinto Feira Internacional de Galicia Abanca, en Silleda.
O obxectivo é visibilizar a Formación Profesional de Galicia e poñer en valor as destrezas do alumnado que cursan estas ensinanzas. A través dunha serie de probas prácticas, os e as participantes poderán demostrar as súas capacidades nas 42 modalidades, que se distribúen en 29 especialidades competitivas, 9 de exhibición e 4 para centros de Educación Especial.
Requisitos
Poderán participar estudantes de centros públicos de Formación Profesional de Galicia que teñan como máximo 21 anos durante o 2025. Ademais de non ter participado en edicións anteriores, agás nas modalidades de Mecatrónica, Sistemas robóticos integrados, Ciberseguridade e Fabricación aditiva, nas que se permitirá unha idade máxima de 24 anos.
Premios
As probas serán valoradas por un xurado composto por expertos do sector, representantes das empresas patrocinadoras e titores do alumnado. A persoa que obteña a maior puntuación en cada modalidade recibirá a medalla de ouro. Así, formará parte do equipo galego que competirá nas SpainSkills 2026. A segunda mellor puntuación obterá a medalla de prata e actuará como suplente no campionato nacional, no caso de que o gañador ou a gañadora non poida asistir. Todos os e as participantes recibirán un diploma acreditativo. Ademais, o profesorado implicado na preparación obterá unha certificación de 30 horas de formación permanente, recoñecida como actividade de innovación educativa.
Os centros educativos que desexen participar en GaliciaSkills 2025 deberán inscribirse na algunha das modalidades que se detallan a continuación.
| Modalidades de competición | ||
| Carpintería | Ebanistaría | Deseño mecánico – CAD |
| CNC Fresado | Soldadura | Fontanería e calefacción |
| Refrixeración e aire acondicionado | Electrónica | Instalacións eléctricas |
| Control industrial | Mecatrónica | Sistemas robóticos integrados |
| Pintura do automóbil | Reparación de carrocería | Tecnoloxía de automóbil |
| Desenvolvemento web | TIC Administración de sistemas en rede | Deseño e xogos en animacións 3D |
| Cociña | Panadaría | Servizo de restaurante e bar |
| Recepción hoteleira | Atención sociosanitaria | Estética |
| Peiteado | Escaparatismo | Tecnoloxía da moda |
| Floraría | Xardinaría paisaxística | |
| Modalidades de demostración | ||
| Albanelaría | Revestimento e paneis de xeso | Ciberseguridade |
| Enerxías renovables | Fabricación aditiva | Farmacia e parafarmacia |
| Robótica colaborativa | Tecnoloxía de laboratorio químico | Tecnoloxía de vehículos pesados |
| Modalidades de Educación Especial | ||
| Peiteado | Repografía | Servizos de restauración |
| Xardinería e viveirismo | ||
