A Garda Civil de Ponteareas detivo a un veciño de Salvaterra de Miño, de 28 anos de idade, como presunto autor dun delito contra a saúde pública, acusado por tráfico de drogas.
A investigación, desenvolvida pola Área de Investigación do Posto Principal de Ponteareas, comezou a mediados de setembro do pasado ano, cando se detectou un movemento contínuo e sospeitoso de persoas nun inmoble no centro da vila, «e comprobando que algúns deles eran coñecidos consumidores de sustancias estupefacientes» segundo informa a Dirección Xeral da Garda Civil.
Durante a investigación, foron incautados distintos consumidores de nacionalidade española e portuguesa. En total, 128 dosis de suposta cocaína que fora adquirida no domicilio do detido.
Así, en decembro de 2024, os axentes puideron constatar que o investigado cambia o seu domicilio e se traslada a unha parroquia do mesmo termo municipal, propiedade de outra persoa.
Xa no mes de febreiro, o detido é detectado e interceptado no centro da localidade, momento no que se lle intervén entre as súas pertenzas 12 doses de cocaína preparadas para a súa venda, ademais de 185€ e un teléfono móbil.
As dilixencias, xunto co detido, foron entregadas no Xulgado de Instrución Nº3 de Ponteareas, quen decretou a súa posta en liberdade con cargos.
As actuacións, enmarcadas dentro das labores de prevención e investigación de delitos que teñen encomendados os Corpos e Forzas de Seguridade contra o consumo de estupefacientes, teñen como obxectivo impedir e erradicar o tráfico ilícito de drogas nos espacios empregados para o ocio e con isto, diminuír o risco que presenta a ameaza do tráfico minorista e consumo ilícito de drogas entre os mozos e mozas.
