O Concello de Salvaterra vén de presentar a quinta edición do Ciclo de Cine de Inverno que se celebrará durante o vindeiro mes de febreiro.
Ao igual que nas anteriores edicións, a entrada é totalmente gratuíta e durante o ciclo inclúese a proxección de películas de estrea, alternando filmes destinados a un público adulto e infantil.
A quenda para os adultos serán os sábados ás 22:00h mentres que os domingos ás 17:30h as películas estarán destinadas a un público familiar. O ciclo dará comezo o vindeiro sábado e domingo, 1 e 2 de febreiro coas proxeccións de ‘As Neves’ e ‘La Patrulla Canina: La Superpelícula’, respectivamente.
Dende o goberno local aseguran que «o obxectivo é que os veciños e veciñas poidan gozar durante este mes dunha alternativa de ocio cinematográfico nas noites do sábado e das tardes do domingo».
Programación completa no seguinte cartel:
