Os casos activos de COVID-19 seguen baixando e quedan por baixo dos 26.000. Na última xornada foron 1.010 os positivos detectados, a cifra máis baixa dos últimos dous meses.
En Galicia hai un total de 25.970 persoas con coronavirus.
Por áreas sanitarias.
A Coruña: 5.507 (-582)
Vigo: 5.408 (-447)
Ourense: 3.001 (-320)
Santiago: 4.536 (-516)
Lugo: 2.921 (+289)
Pontevedra: 2.877 (-275)
Ferrol: 1.440 (-104)
O lado negativo do balance está nos hospitais, onde se rexistraron 24 ingresos en planta. Agora hai un total de 598 ingresados en Galicia; 567 en planta e 31 persoas na UCI.
Pola súa parte, o Sergas notificou 1 deceso por mor da covid, alzando a cifra a 3.075 falecementos desde o inicio da pandemia.
