O Instituto Feiral de Vigo (IFEVI) será o encargado de acoller a VII Edición do Concurso de Rondallas organizado pola Federación de Rondallas da Área Metropolitana de Vigo co apoio da Xunta de Galicia e a Deputación de Pontevedra.
O evento, no que participarán máis de 1200 rondalleiros e rondalleiras, terá lugar o sábado 18 de xaneiro e dará comezo ás 17:00h. En total serán 14 as agrupacións da zona sur de Pontevedra as encargadas de amenizar a xornada.
As rondallas participantes, por orde de actuación, son:
- Rondalla da A.V.C.R San Mamede de Zamáns
- Rondalla Círculo Recreativo e Cultural de Torroso
- Rondalla C.S.C.R de Beade
- Asociación Rondalla O Mosteiro de Pexegueiro
- Asociación Cultural Musical Rondalla de Pontellas
- Rondalla da Asociación Recreativa Santa Eulalia de Atios
- Rondalla Círculo Cultural e Deportivo Santa Eulalia de Mos
- Rondalla do Centro Cultural Recreativo e Deportivo Helios de Benvibre
- Rondalla Nosa Merced de Chaín
- Rondalla Asociación Cultural e Social de Herville
- Asociación Club Rondalla Santiaguiño de Guizán
- Rondalla C.C.A.R de Valladares
- Rondalla Asociación de Veciños Galiñeiro de Vincios
- Rondalla Santiago de Parada
Cada rondalla contará cun tempo máximo de actuación de 12 minutos no que poderán mostrar o traballo feito tanto a nivel musical como a nivel de coreografía e movemento en pista.
O evento concurso contará con dous grupos de xurado, un deles que avaliará o traballo realizado pola formación da rondalla en sí e o outro grupo avaliará tan só o traballo realizado polo conxunto de abandeirados que acompañan a rondalla durante a súa actuación.
Os membros do xurado serán persoas do mundo da música e das rondallas. Serán quén de avaliar as distintas agrupacións e despois darán o seu veredicto que se fará público no mesmo acto ao final do evento.
As tres primeiras clasificadas, en ambas categorías do concurso, recibirán un premio económico e a cuarta a quinta clasificada recibirán unha mención especial.
As entradas están á venda a un prezo de 3 euros e poden ser adquiridas a través das rondallas participantes ou na billeteira do IFEVI no propio día do evento, así como nos seguintes puntos de venda:
- Librería Tecnic de Vigo
- Centro Cultural CSCR Helios en Benbrive
- Centro Cultural CSCR de Beade
- Cafetería da AAVCR de Zamáns
- Centro Cultural de Valladares
- Gabinete de alcaldía do Concello do Porriño
- Centro Cultural de Os Penediños de ATios
- Centro Cultural C.C. de Pontellas
- Librería Copi-rey de Porriño
- Bocatería Lalos de Nigrán
- No Centro Comercial Nasas de Nigrán
- C.C.R Parada do Miñor en Nigrán
- Concello de Mos
- Asociación Cultural Santa Eulalia de Mos
- Centro Cultural de Guizán
- Asador Edan en Peinador
- Centro dotacional de Torroso
- Asociación Cultural de Herville
- Centro Cultural Galiñeiro de Vincios
