Un traballador perdeu a vida este venres durante a súa xornada laboral no municipio de Laxe. Segundo explican desde o 112 Galicia, o home sufriu unha descarga eléctrica provinte dun farol na rúa do Sol sobre as 11:40 horas.
Desde a Sala de Operacións do 112 Galicia, informouse ao Servizo de Urxencias Sanitarias de Galicia-061, aos Bombeiros de Carballo, ao GES de Ponteceso, á Garda Civil e á Agrupación de Voluntarios de Protección Civil de Laxe.
Os servizos de emerxencias acudiron ata a zona para efectuar o rescate da persoa, pois atopábase na cesta dunha grúa telescópica, a uns sete metros de altura. Foi preciso o uso dun guindastre para baixar á vítima, pero nada se puido facer por evitar o seu falecemento.
