Festa e solidariedade entrelázanse na “Papanoelada moteira” que o vindeiro sábado 21 volverá convocar a miles de motoristas para que trasladen o espírito do Nadal ás rúas de Vigo así como para recoller alimentos destinados a persoas vulnerables, segundo anunciou este luns o Concello de Vigo.
O responsable da iniciativa, Daniel Barboni, avanzou hoxe a posta en marcha por Moto Club Galicia dunha iniciativa en distintos establecementos moteiros onde se recollen alimentos, ata o día 20 de decembro, coa finalidade de superar a recollida do ano pasado. Ademais, o día do gran desfile, voluntarios do Banco de Alimentos encargaranse de recoller, na rotonda de Navia, as achegas da cidadanía.
Na cita deste ano prevese superar a participación de 2023, que contou coa presenza de 5.000 motos e 10.000 papanoeles
Percorrido
A primeira etapa arrinca desde a rúa Pedra Seixas, para dirixirse a Teixugueiras, Ricardo Mella, Avenida da Florida, Praza América, Gran Vía, Corte Inglés ata Urzáiz, Travesía de Vigo, Numancia, Doutor Canoa, Isaac Peral, García Barbón, Colón, Urzáiz, Gran Vía e Venezuela.
Ás cinco da tarde terá lugar a recepción polo alcalde na rúa Venezuela.
A segunda etapa comezará na Avenida de Camelias, con destino á rúa Álvaro Cunqueiro, Praza América, Avenida de Castelao, Avenida de Europa, Avenida Samil, Teixugueiras, rúa Limpiño e volta a Pedra Seixas.
Sen inscrición previa
Para participar nesta papanoelada moteira non é necesario inscrición previa.
