A Concellería de Educación e Normalización Lingüística do Porriño convoca, un ano máis, o IV Concurso Infantil de Postais de Nadal 2024. Por cuarto ano consecutivo, o Servizo de Normalización Lingüística do Porriño organiza este concurso co obxectivo de que os máis pequenos feliciten as festas do Nadal a toda veciñanza.
Mediante a creación dunha postal decorativa e cunha mensaxe positiva creada en lingua galega, os nenos poderán demostrar a súa creatividade artística á vez de usan o galego como medio para felicitar as festas. Deste xeito, como xa vén sendo habitual nestas datas, Concello do Porriño busca dinamizar o uso da lingua galega nun grupo de idade clave para o fomento dos hábitos lingüísticos.
Poderán participar nenos con idades comprendidas entre os 3 e os 14 anos a través de postais orixinais e inéditas escritas en lingua galega. Estas poderanse entregar desde hoxe, 6 de decembro, ao 26 deste mes na caixa de devolución de libros da Biblioteca Municipal do Porriño, no exterior do Centro Cultural Municipal ou en man na propia Biblioteca.
Establécense 3 categorías de premios, con tres galardóns por cada categoría, consistentes en lotes de material escolar. A derradeira semana do ano colgarase a relación de persoas premiadas tanto nas redes sociais coma no taboleiro de anuncios do Centro Cultural Municipal. A entrega de premios efectuarase o venres 3 de xaneiro ás 17.00 horas no salón de plenos municipal. Podes consultar as bases en: https://normalizacionlinguisticaoporrino.wordpress.com/2024/12/05/iv-concurso-infantil-de-postais-de-nadal-2024/
