A Deputación de Pontevedra, a través do Servizo de Xuventude e Reto Demográfico, está a elaborar o I Plan Estratéxico de Xuventude da provincia. Por este motivo, elaborou unha enquisa co fin de coñecer as necesidades e inquedanzas da mocidade.
A enquisa, dirixida a persoas de entre 15 e 34 anos que vivan na provincia de Pontevedra, inclúe preguntas sobre temas chave como a vivenda, o transporte, a realidade do mundo rural ou a participación xuvenil en iniciativas públicas e asociacións civís.
Ademais, co obxectivo de motivar á mocidade a colaborar nesta sondaxe, cada participante entrará no sorteo de dous premios. O primeiro premio serán dúas entradas de balde para un dos ‘Rías Baixas Fest’, patrocinados pola Deputación de Pontevedra; pola contra, o segundo premio será unha tableta Lenovo Tab M10.
A enquisa estará dispoñible ata o 31 de xaneiro de 2025 e pódese realizar na seguinte ligazón.
