O Concello de Ribadavia pasa á fase final do concurso para poder converterse en ‘Pueblo Ferrero Rocher 2024‘ e contar co alumeado de Nadal que ofrece a marca dentro da súa campaña ‘Juntos brillamos más’.
Tras pasar as dúas primeiras fases de votación, o municipio ourensán chega á final competindo co municipio de Biar da Comunidade Valenciana. Os municipios que competían inicialmente e non chegaron á final son Ágreda en Soria, El Coronil en Sevilla e La Adrada en Ávila.
A partir das 12:00h do día de hoxe e ata o domingo 8 de decembro poderase votar para elexir o municipio gañador do concurso a través da seguinte ligazón. O día 9 de decembro anunciarase o concello que obtivo máis votos e que será o gañador desta edición.
Por último, a iluminación será inaugurada o xoves 12 de decembro no municipio que resulte gañador.
