A empresa de distribución alimentaria Mercadona abrirá as súas portas no municipio de Ponteareas o próximo xoves 28 de novembro e seu horario habitual será de luns a venres de 9:00h a 21:30h. O día da inauguración o supermercado abrirá no mesmo horario previsto.
Segundo puido saber Si Radio, o supermercado contará co mesmo sistema de peixaría que teñen as instalacións de Mos. É dicir, o peixe estará limpo e envasado nas cámaras frigoríficas, á excepción dalgúns poucos produtos.
Ademais, tamén contará co posto de comida preparada ‘Listo para Comer’, ao igual que os supermercados de Mos e Nigrán.
As novas instalacións atópanse no Parque de A Curuxeira, recentemente reformado e recuperado con zonas verdes, situado fronte ao cuartel da Garda Civil, unha zona céntrica que permite chegar ao núcleo da vila en tan só 5 minutos camiñando. Ademais, o edificio conta con parking subterráneo e parking a pé de rúa.
