A cidade das luces, cando menos durante a época do Nadal, contará con dúas cabalgatas de Reis Unha, estática e a outra, dinámica. Así o fixo saber o alcalde de Vigo, Abel Caballero, quen indicou que «terán deseños innovadores» e que estarán inspiradas nos «Contos de Nadal».
Neste contexto, a Xunta de Goberno Local aprobou o expediente de contratación para o deseño e produción das carrozas da Cabalgata de Reis 2025, cun importe de 90.120,14 euros, segundo fai saber a administración local nun comunicado.
Pola súa banda, a temática desta edición serán os “Contos de Nadal”, que como sinalou o rexedor olívico, “queremos que sexan deseños innovadores”. As propostas deberán ter unha estética atractiva e visual en aspectos tales como colorido e composición. Abel Caballero desvelou que se realizará novamente unha versión estática, pola mañá, e unha dinámica, a tarde do 5 de xaneiro.
