A tormenta tropical Patty formada no Atlántico esta fin de semana chega debilitada á comunidade galega, segundo informou Meteogalicia. Prevense chuvascos para toda a xornada, con intensidade moderada e sen chegar a ningún nivel de aviso.
O temporal trae consigo un cambio de tempo con choiva, que se irá xeneralizando segundo avance o día. As choivas máis intensas agárdanse na provincia de Pontevedra e no oeste da Coruña cara o final da tarde, mais «as cantidades previstas estarán por debaixo de umbrais de aviso», tal e como apunta Meteogalicia.
Para o resto da semana augúrase que cesen as choivas en toda a comunidade e as temperatura ronden de entre mínimas de 12 e 15 graos e máximas de 22 e 25.
Galicia, TIEMPO PREVISTO/TEMPO ESPERADO, https://t.co/NB4qNPsn9q pic.twitter.com/0k2awBQqIV
— AEMET_Galicia (@AEMET_Galicia) November 4, 2024
