O Samaín trouxo consigo, cando menos ao municipio de Nigrán, o regreso da ultratumba dos persoeiros máis ulustres do cemiterio do Ceán. E é que o Concello repetiu por terceiro ano consecutivo con Teatro do Ar as visitas teatralizadas a este camposanto con motivo da celebración da noite de defuntos.
Grazas a estes actores, ilustres como o escritor Carlos Casares, o inventor do casulo para pescar polvos, Daniel Pazó, ou o profesor republicano asasinado, Vázquez Grela (os tres aquí aterrados), regresaron onte de ultratumba para contar de primeira man aos presentes a súa vida.
Foron un total de 51 persoas repartidas en 3 quendas (todas con aforo completo) e, unha vez máis, recibiron información histórica dunha forma cómica e lixeira. “Son visitas que despertan moitísimo interese e están moi ben porque poñen en valor o noso cemiterio municipal e, sobre todo, personaxes emblemáticos de Nigrán que todo veciño debe coñecer”, considera o rexedor, Juan González.
