O sector do transporte de persoas por estrada comeza este luns unha folga xeral que afecta aos servizos de autobuses urbanos, interurbanos, escolares, servizos discrecionais e guindastres autopropulsados.
A folga está convocada de forma conxunta polos sindicatos, a nivel nacional, por UXT e CC.OO co fin de defender a xubilación anticipada para os seus traballadores, ao igual que sucede noutras profesións «como no caso dos maquinistas ferroviarios ou dos pilotos» segundo apuntan os sindicatos.
Os traballadores aseguran que «esta profesión provoca un importante desgaste e que coa idade, perden facultades que elevan a sinistralidade nas estradas».
Os servizos mínimos en Galicia están fixados no 50%. Por exemplo, na Estación de Autobuses de Ponteareas respirábase normalidade. Ademais, segundo puido saber Si Radio, os traballadores da empresa Ojea acudiron na súa totalidade ao seu posto de traballo.
Podes consultar a orde do Diario Oficial de Galicia cos servizos mínimos no transporte de viaxeiros na comunidade neste enlace.
