Un home de 76 anos, con iniciais J. M. R. C., faleceu este xoves tras caer ao mar no interior dun vehículo. O 112 empezou a recibir varias chamadas, pouco despois das 9.00 horas da mañá, nas que alertaban de que un coche precipitouse ao mar nas inmediacións do heliporto da instalación portuaria e que crían que había unha persoa no seu interior.
O 112 Galicia avisou a Urxencias Sanitarias de Galicia-061, Salvamento Marítimo, Servizo de Gardacostas, bombeiros de Betanzos, Policía Local, Garda Civil e Protección Civil de Sada. Testemuñas que se atopaban pola zona confirmaron que había un home no interior do coche, que xa estaba afundido, polo que se despregou un dispositivo de rescate. Finalmente, un mergullador conseguiu liberar a esa persoa.
O 061 trasladou ao lugar a un equipo de Atención Primaria e unha ambulancia de soporte vital avanzado medicalizada pero, a pesar dos esforzos dos profesionais sanitarios, nada se puido facer por salvar a vida do home.
