Acondicionáronse cuartos de aseo accesibles, espazo de uso común e reposición da cuberta
O proxecto conta cun orzamento de 75.625 euros dos cales 50.000 están subvencionados pola Xunta de Galicia a través do AGADER, e os 25.625 euros restantes pola Deputación de Pontevedra a través do Plan Concellos 2021.
Fontes municipais explican que o proxecto inclúe a instalación de dous aseos accesibles, que darán servizo a todo o edificio, xa que os existentes estaban vinculados a un dos locais existentes. Para iso abriuse un novo espazo de uso común, cun distribuidor que da acceso aos novos servizos, para o cal se derribou unha pequena parte do edificio que estaba en desuso.
Ademais fíxose unha mellora da sinalización dos postos existentes, mediante uns paneis, incluíndo a sinalización de incendios e a indicación de aseos.
A actuación contemplou ademais a impermeabilización da cuberta sobre as zonas das cámaras mellorando tamén este espazo.
Verónica Tourón, alcaldesa e responsable da área, sinala que “con estas obras continuamos poñendo en valor a nosa praza de abastos, destacando o potencial que ten como centro de comercialización de produtos frescos e de proximidade
