A Deputación de Pontevedra anunciou o investimento de 120.000 euros para a mellora urbana da estrada provincial EP-2202 entre Baiona e Loureza.
Fíxoo esta mañá, na visita do presidente da Deputación, Luis López, e na que estivo acompañado pola deputada de Infraestruturas, Isabel Couselo, e o deputado e alcalde de Baiona, Jesús Vázquez Almuíña.
Os representantes puideron comprobar o remate dunha obra que se realizou en catro meses, e que consistiu, principalmente, na ampliación da beiravía, a reposición do pavimento e a renovación da sinalización horizontal.
Os traballos centráronse nun treito de 400 metros desta estrada, onde os operarios construíron un muro de contención que permitiu ampliar a anchura da beirarrúa ata un mínimo 2,50 metros ao longo do percorrido.
Do mesmo xeito, elimináronse elementos deteriorados e en desuso, ademais de repoñer unha pasarela de 57 metros de lonxitude e mellorar a seguridade dunha escaleira que xa existía na zona.
O proxecto completouse coa renovación do pavimento e da sinalización horizontal ao longo deste treito. A execución supón a posta en valor das as necesidades dos concellos, poñendo os recursos e ferramentas necesarias para atender estas demandas e dotar de mellores servizos e infraestruturas á veciñanza.
Aparte desta obra, non é a única que estase a levar a cabo en Baiona. Dentro do marco do
programa de conservación de firmes está en fase de proxecto a mellora da mobilidade peonil na EP-2203 entre Baredo, Baiona e Loureza.
