A investigación comeza cando se observa ao longo da estrada N-554 a venda de aceite nos postos de venda de cereixas. As garrafas son de 5 litros de aceite alimentario, etiquetadas en portugués, que se comercializan a un prezo notablemente inferior ao de mercado.
Ao solicitar las facturas das compras dese aceite, os axentes observan que as mesmas amparan compras superiores aos 3000 euros, polo que se sospeita que se está realizando un almacenamento sen autorización para a súa posterior distribución e venda, para a cal os vendedores non presentan a autorización oportuna.
Deste xeito, iníciase unha vixilancia co obxectivo de localizar o almacén, atopando este en Pontevedra, onde estaban depositados os 1701 litros, distribuídos en 329 garrafas de 5 litros, 2 garrafas de 10 litros e 36 botellas dun litro.
Solicítaselle ao titular do almacén documentación xustificativa que ampare o aceite almacenado e este aporta unha factura dunha empresa portuguesa de Vila de Prado, procedéndose á confección de distintas denuncias dirixidas á Consellería do Medio Rural e Sanidade da Xunta de Galicia.
Intervidos 1700 litros de aceite de oliva por irregularidades na etiquetaxe
A Patrulla Fiscal e de Fronteiras da Garda Civil de Marín (PAFIF) interveu 1701 litros de aceite de oliva procedentes de Portugal por irregularidades na súa etiquetaxe ao carecer de rexistro sanitario, así como de certificado de trazabilidade.
مقالات ذات صلة