Antonio Gómez Caamaño, deu a benvida aos 33 novos investigadores que se incorporan aos centros de investigación do Servizo Galego de Saúde.
Na súa intervención, Gómez Caamaño trasladou a máxima vontade de colaboración e apoio da Xunta ao traballo destes investigadores, con medidas que permitan desenvolver a súa actividade nas mellores condicións.
A tal efecto, lembrou que Galicia conta con tres institutos públicos de investigación sanitaria que, aproveitando as sinerxías entre os complexos hospitalarios e as universidades, impulsan, promoven e fomentan a investigación de excelencia e obteñen magníficos resultados que derivan en grandes éxitos en saúde.
