O conselleiro de Emprego, Comercio e Emigración, José González, destacou na celebración do Día do Mercado o pulo que a Xunta está a darlle ás prazas de abastos de Galicia, sinalando que as “95 existentes en Galicia” son espazos dinamizadores da economía local e xeradores de emprego.
González, que estivo acompañado entre outros polo director xeral de Comercio e Consumo, Gabriel Alén, e o delegado territorial da Xunta en Ourense, Manuel Pardo, acudiu ao mercado da capital ourensá para celebrar esta xornada que coincidiu co desenvolvemento da campaña internacional Quere o teu mercado, na que en Galicia están a participar 900 profesionais e 41 prazas, entre elas a de Ourense. Precisamente, na súa intervención, o conselleiro referiuse á situación da Praza de Abastos número 1 de Ourense:
