O Concello de Mos homenaxea a esta veciña nun acto ao que acudiu coa súa parella de baile, Jacopo Casotto, co que logrou sendas medallas de ouro nas categorías de Standard e Latinos o pasado mes de marzo en Benidorm
Este venres celebrouse no Concello de Mos a recepción á bailarina mosense, Patricia Martínez. Patricia é 17 veces campioa de España de Baile Deportivo, 14 en categoría amateur e os tres últimos en categoría profesional. Foi en Benidorm, o pasado mes de marzo onde acadou o seu último ouro nas modalidades de Standard e Latinos 2020.
Foi recibida pola alcaldesa Nidia Arévalo; o concelleiro de Deportes, José Areal; Sara Cebreiro, concelleira de Cultura, Turismo, Política Social e de Igualdade e demais membros do goberno local e da corporación municipal.
