Unha decena de persoas están investigadas no marco dunha operación antidroga que se desenvolveu este martes nas provincias de Pontevedra e A Coruña. A investigación está vinculada a narcolanchas e planadoras aparecidas en Ribeira en febreiro de 2023.
Axentes do Grupo de Resposta Especial para o Crime Organizado (Greco) da Policía Nacional e de Vixilancia Aduaneira levaron a cabo este operativo, que, polo momento implica a dez persoas entre investigados e detidos.
As actuacións deste martes desenvolvéronse en Noia e Bertamiráns na provincia da Coruña e nas de Vilanova de Arousa, A Estrada e Portonovo en Pontevedra.
O xulgado de instrución número 5 de Vigo leva esta causa que foi declarada baixo secreto de sumario.
Nas intervencións policiais descubríronse moldes para fabricar lanchas ríxidas e un camión para transportarlas nunha leira privada de Vilanova de Arousa.
