O tenente da alcaldesa de Ponteareas, Juan Carlos González Carrera, explica en Si Radio como se coordinou desde a súa concellería o operativo para atallar as consecuencias en Ponteareas do gran apagón que asolou á Península Ibérica.
De feito, nas vivendas que se localizan no Lugar da Gándara, en Bugarín, os efectivos dos bombeiros de Ponteareas tiveron que realizar diversas actuacións. Producíronse anegacións de garaxe por falta de subministro eléctrico. Foron os propios veciños e veciñas os que avisaron aos efectivos no parque do GES de Ponteareas, «debido á imposibilidade de contactar co 112 Galicia», segundo puido saber Si Radio.
