Axentes da Policía Nacional, nunha operación conxunta coa Vixianza Aduaneira da Axencia Tributaria, interveñen 150 quilos de cocaína que se atopaba sumerxida no casco dun mercante portacontenedores.
A droga pretendía ser introducida en España a través do Porto de Vigo e atopábase adosada ao casco do buque por baixo da liña de flotación. Para interceptar os estupefacientes, tiveron que intervir buceadores do Grupo Especial de Operacións xunto con axentes da Base Marítima de Vixianza Aduaneira en Vigo.
A operación levouse a cabo coa colaboración da axencia norteamericana DEA, que alertou da posible entrada da droga no país.
