O xoves 17 e o sábado 19 de abril, ás 11:30 horas, comezará o percorrido guiado polo Centro histórico de Baiona. O punto de saída terá lugar na oficina de turismo, e durante aproximadamente unha ora e media, os e as asistentes coñecerán de primeira man datos históricos dos principais recursos do centro da vila.
O venres 19 de abril será a quenda das visitas familiares. Dende o goberno local aseguran que «debido ao gran éxito cultivado en anteriores edicións, realizarase a visita «Seguindo os pasos de Drake«, un percorrido orientado ao público infantil, maior de 5 anos, e ás súas familias. A saída está prevista para as 11:30h dende o posto de socorrismo da praia de Santa Marta.
Para participar nas visitas, é preciso inscrición previa a través do correo electrónico oficinadeturismo@baiona.gal enviando nome e apelidos de todas as persoas que asistirán, a súa procedencia, un número de teléfono de contacto por grupo e, no caso de menores de idade, a idade de cada un dos asistentes. O prazo de inscrición estará aberto ata o mércores 16 de abril ás 14:00h.
Ademais, está previsto que Baiona conte con visitas guiadas todos os meses ata final de ano.
