viernes, abril 4, 2025
InicioNewsActualidadeO ilustrador tudense Carlos Lago, autor do cartel das Festas de San...

O ilustrador tudense Carlos Lago, autor do cartel das Festas de San Telmo 2025 en Tui

O Concello de Tui vén de presentar o cartel que anuncia a celebración das festas patronais de Tui, obra do ilustrador tudense Carlos Lago. A Catedral de Tui iluminada e os fogos artificiais centran o deseño do cartel. As Festas de San Telmo de Tui celebraranse neste mes de abril, do 19 ao 28.

Carlos Lago confesou sentirse «sorprendido, alegre e preocupado ao tempo, cando recibiu o encargo do Concello de Tui». O deseño final foi un dos primeiros que realizou entre unha decena de borradores nos que traballou, asegurou o artista. A obra realizouna “en lapis pastel, con algo de rotulador, sobre cartolina”, pasándose ao dixital para o remate coas letras e os logotipos.

Carlos Lago amosou a súa satisfacción co traballo realizado porque «cree que cumpre ben a súa función” anunciar as festas cun carácter festivo e chamativo. Agarda que sexa tamén do agrado da cidadanía.

Pola súa banda, o alcalde, Enrique Cabaleiro e a concelleira de Cultura, Sonsoles Vicente, felicitaron ao autor polo seu traballo, que será imaxe das festas de San Telmo deste 2025.

O cartel elaborado este ano por Carlos Lago é o segundo, tras o de Víctor Coyote de 2024, para anunciar ás festas de San Telmo encargados polo Concello de Tui a deseñadores e ilustradores tudenses «nunha aposta por visibilizar e recoñecer o seu talento, nunhas datas tan relevantes coma os festexos patronais» asegura o goberno local.

مقالات ذات صلة

OUTRAS NOVAS