A DGT vén de activar o radar de tramo da estrada PO-340, entre Gondomar e Tui, que xa fora anunciado o pasado ano dentro da nova campaña de vixilancia ante o repunte da sinistraliedade viaria. Este plan incluía a instalación de case un centenar de novos cinemómetros nas estradas españolas, onde máis da metade eran radares de tramo.
O dispositivo foi activado a finais do pasado mes de marzo, segundo aparece reflexado na lista oficial de puntos de control de velocidade da DGT. Esta mesma lista, recolle un total de 53 radares na provincia de Pontevedra, onde tan só dous deles son de tramo.
A PO-340 une as localidades de Nigrán e Tui e ten unha lonxitude de 21,5 quilómetros. Dous destes quilómetros son os que están vixiados mediante un radar, cos cinemómetros instalados nos puntos 4,3 sentido decrecente e 6,28 en sentido crecente.
Durante este tramo que descorre entre Gondomar e Tui, a estrada presenta diversas curvas pronunciadas en pendente, cun único carril para cada sentido da circulación e separados por liña contínua. Ademais, a velocidade máxima aconsellada neste intervalo é de 60km/h.
