O Equipo da Policia Xudicial da Garda Civil de Tui detén a un varón de 19 anos, con domicilio en Ourense, como presunto autor dun delito de ameazas e coaccións e delito de indución á prostitución.
Os feitos foron acontenidos entre o 1 de febreiro e o 7 de marzo deste mesmo ano na comarca da Paradanta. Segundo informa a Garda Civil, o detido contacta cunha menor de 16 anos a través dun perfil de Instagram e tras gañarse a súa confianza, consegue que esta lle envíe fotografías desnuda.
Tras este feito, o varón procede a ameazala con «darlle unha paliza ou violala» se non envía máis fotografías e vídeos de carácter sexual. Tal e como informa a Benemérita, a menor envía este contido audiovisual e cando decide deixar de realizar estes feitos, recibe ameazas.
As dilixencias foron entregadas no Xulgado de Garda de Ponteareas e o detido foi posto en liberdade en sede policial, pendente de comparecer ante a autoridade xudicial cando se lle requira.
A maiores, encóntrase en activo a investigación a outros dous varóns de 44 e 38 anos idade, en relación co caso. O primeiro deles está sendo investigado como presunto autor dunha agresión sexual á menor, consistente en tocamentos e o segundo como presunto autor de inducción á prostitución, tras ofrecer diñeiro á menor a cambio de favores sexuais.
