A comarca do Condado estivo afectada na tarde do pasado luns 31 de abril por dous incendios. O primeiro deles, no Concello de Salvaterra de Miño e o segundo no termo municipal de As Neves.
En canto ao incendio de Salvaterra de Miño, e segundo informa Medio Rural, o lume deu comezo ás 20:05h e quedou extinguido ás 21:40h. Afectou a unha superficie arborada de 0,15 hectáreas e ata o lugar mobilizouse un axente, dúas brigadas e tres motobombas.
A zona afectada foi a zona arborada comprendida no camiño peatonal que une a parte de atrás do CEIP Plurilingüe Infante Felipe e o IES Salvaterra de Miño.
Pola súa parte, o incendio de As Neves tivo lugar na parroquia de Rubiós, e foi declarado incendio agrícola. O lume deu comezo ás 21:26h e foi extinto ás 22:48h. Ata o lugar desprazáronse tres axentes, dúas brigadas e tres motobombas, tal e como informou Medio Rural. .
